Пристигна летото и можам да кажам дека тоа е најдобрата сезона за слабеење. Зеленчукот и овошјето се насекаде околу нас и навистина може да ги искористиме за да ги намалиме нашите килограми и за да изгледаме суперсовршено за на плажа
Марија Соколовска
Денеска би сакала да го издвојам моето омилено тропско овошје, а тоа е ананасот. Богато со витамини и со минерали, ова овошје не само што може да ве одржува здрави туку може и да ве заштити од внатрешни воспаленија. Се верува дека овие негови својства играат значајна улога, директно или на друг начин, во процесот на слабеење. Ананасот е добро познат по тоа што е сочен и што има сладок и киселкав вкус. За некои, ова овошје дури е суперхрана, поради големото количество витамини и минерали. И не само тоа, тој содржи уникатен ензим наречен бромелаин, чија способност вклучува разградување на ткивата на месото сварено во желудникот, како и заштита на внатрешните органи од воспаленија. Истражувањата за бромелаинот сугерираат дека тој има ефект врз одредени имунолошки клетки на тој начин што може да ги регулира да не бидат премногу активни. Се вели дека гастроинтерните воспаленија, главно, се предизвикани од овие прекумерни активности на имуните клетки. Покрај тоа, постојат многу фактори за тоа зошто ананасот може да помогне во губењето на тежината. Затоа, во следните параграфи ќе проговориме за здравствените придобивки од јадењето ананас при губењето тежина.
Ананасот и неговата нискокалоричност
Првата придобивка од јадењето ананас за слабеење е неговата нискокалоричност. Тој може да биде ваша омилена закуска пред тренинг или нешто што може да го јадете меѓу оброците. Најубавата работа е што воопшто не треба да се грижите за калориите, бидејќи ананасот содржи толку малку, а има многу придобивки од него. Поради шеќерот и некои минерали, како и содржината на бромелаин, вашето тело ќе има соодветна храна и гориво за своите активности. Малкуте калории за возврат овозможуваат да се складира толку малку вишок енергија во форма на маснотии. Всушност, ананасот содржи само 83 калории во чаша. Тоа е прилично мала количина, особено во споредба со некои типични закуски кои, во просек, содржат 200 калории. И не само тоа, вкупните калории во ананасот се составени од 86 отсто вода и 13 отсто јаглеродни хидрати. Уште помалото количество јаглеродни хидрати го прави погодно овошје за уживање.
Специјалните хемиски супстанции што се наоѓаат во ананасот, бромелаин, се добро познати состојки за третман при воспаленија. Прашањето е како може да ни користат антивоспалителните агенси во нашите напори за намалување на тежината. Како што докажаа многу истражувања, воспаленијата се, всушност, поврзани со метаболичките проблеми како што е дебелината, па дури и дијабетесот.
Ананасот и вашиот дигестивен систем
Постојат многу теории кои може да ја објаснат врската помеѓу воспаленијата и дебелината. Првата е дека се покажало дека воспаленијата му претходат на зголемувањето на телесната тежина и до одреден степен, отпорноста на инсулин. Како што, можеби, веќе научивме, отпорноста на инсулин е увертира за дијабетес. Второто објаснување е дека воспалението најмногу се случува во масните ткива. Бидејќи воспаленијата обично предизвикуваат оток во погодените делови, масните ткива потоа се зголемуваат, што, пак, за возврат генерира вишок маснотии. Последното објаснување е дека воспалението, особено во церебралниот дел, може да предизвика отпорност на лептин. Лептинот е хормон кој најчесто е поврзан со метаболизмот. Отпорноста на овој хормон може да предизвика нарушување на метаболизмот на гликоза и на масти.
Ананасот е богат со диетални влакна, оние што се многу нерастворливи. Што значи, самото влакно не може да се распадне, останува во цврста форма. Следствено, варењето станува многу потешко и одзема повеќе време. Чувството што го имаме по оброкот укажува на тоа дека варењето е продолжено. Затоа, кога јадеме зеленчук и овошје, особено оние богати со влакна, се чувствуваме сито многу подолго. Добрата работа е што диеталните влакна во ананасот, слично како и кај другото овошје, како што се јаболката, остануваат дури и во сокот или во пирето. Затоа, иако јадењето овошје во цврста форма, главно, не е проблем, оние што претпочитаат сокови поради некои причини, може да ги имаат истите придобивки како и оние што сакаат да го јадат онакво какво што е.
Има многу витамини во ананасот што ви помагаат, и директно и индиректно, во намалувањето на килограмите. Земете го, на пример, витаминот Ц. Иако сите, веројатно, го знаеме по неговата способност да нè штити од студ, се покажа дека има и други придобивки од него. Некои истражувања дури сугерираа дека недостигот на витамин Ц може да доведе до зголемување на телесните масти.
А потоа, има уште еден витамин наречен тиамин. Овој витамин му припаѓа на семејството на Б- витамини, чии функции најчесто се поврзани со производството на енергија. Иако присуството на самиот овој витамин во крвотокот нема магично да го натера вашето тело да согорува маснотии, сепак, може да ви помогне да го избегнете зголемувањето на телесната тежина. Како што, можеби, знаевме, количината на енергија со која располагаме може многу да влијае на нашите желби. Тоа е затоа што телото природно бара извори на енергија кои брзо согоруваат и се претвораат во калории подготвени за користење, во овој случај, гликоза.
Проблемот со толку многу намирници што ги јадеме во денешно време не е секогаш поврзан со заситените масти или со јаглеродните хидрати содржани во нив, бидејќи тие две содржини не секогаш ги претставуваат вистинските здравствени вредности на храната. Затоа, луѓето нашле поконкретно и попрецизно мерење за тоа како може одредена храна да го чува или да го загрозува здравјето на луѓето.
Едно од најпопуларните мерења е гликемискиот индекс (ГИ), кој го мери ефектот на содржината на јаглеродните хидрати во одредени видови храна и нивните ефекти врз нивото на гликоза во крвта. Тоа значи дека храната со висок ГИ може да предизвика повеќе скокови во нивото на гликоза во крвта од оние со низок ГИ, што е поврзано со зголемен ризик од состојби како кардиоваскуларни болести, дијабетес тип 2 и мозочен удар.
За среќа, ананасот има релативно низок ГИ, кој се движи само од 45 до 66, што е категоризирано како среден. Затоа, колку и да е слатко, не треба да се грижите премногу за консумирањето ананас, под услов додадениот шеќер (ако го има), исто така, да се сведе на минимум.
Ананасот, исто така, може да помогне во одржувањето на здравјето на вашиот дигестивен систем. Тоа најмногу се должи на содржината на нерастворливите влакна во овошјето, која освен што прави да се чувствувате посито подолго време, помага и за стимулирање на природното и редовно празнење на дебелото црево. Затоа, со јадењето ананас може да ги одржувате здрави желудникот и цревата, заштитувајќи ги од запек, што, пак, овозможува поефикасно да се апсорбира повеќе храна.
Со содржината на тиамин во ананасот, која се случува да биде доста голема, консумирањето ананас може да помогне во зајакнувањето на вашиот метаболизам, како и во оптимизирањето на производството на енергија.
Зошто ананасот е моето омилено тропско овошје?
Прво и основно, ананасот има огромна количина витамин Ц. Всушност, има околу 79 милиграми витамин Ц во порција, што е околу 131% од дневната вредност.
Присуството на витамин Ц му помага на телото да согорува калории, како што беше дискутирано во претходните ставови.
Понатаму, благодарение на високонерастворливите влакна, ананасот се покажува како одлична алтернатива за слатките и за грицките за да не ни ја разгори желбата.
А потоа, тука е бромелаинот, ензим кој природно се наоѓа во ананасот. Главно, се користи за лекување воспаленија. Ензимот може да нè заштити и од дебелина и од проблеми со метаболизмот, кои се силно поврзани со воспаленијата.
Има многу придобивки од јадењето ананас при третманите за слабеење. Ананасот навистина има многу нутритивни содржини, кои одлично функционираат заедно како агенси за намалување на тежината.
Сепак, вистинското решение за намалување на тежината не е секогаш едноставно.
Намалувањето на тежината е процес, но ананасот може да помогне да се случи тоа.
