Настаните од еднонеделната културна манифестација „Петровденски конаци“, со која Кочани ќе го одбележи Петровден, празникот на градот почнаа денеска.
Во програмата што заеднички ја организираат Општина Кочани и Центарот за култура „Бели мугри“ се влезени десетина културни содржини од сценско-музичка, ликовна, литературна и театарска дејност.
Програмата започнува на летната сцена на Центарот за култура со концертот од танго звуци „Виварт“, по што ќе следува ликовен перформанс на академската сликарка Андријана Мациев.
