„Аватар 2“ кој треба да биде прикажан во декември годинава е прогласен за „најкомплицираниот филм некогаш направен“.
Таа титула му ја додели американскиот режисер Лиам О’Донел, кој работеше на визуелни ефекти во филмови како „Alien vs. Предатор“ и „Железниот човек 2“.
На саемот „Дигитален ден“ говор одржа режисерот на „Аватар“ Џејмс Камерон, а објави и нова снимка која го воодушеви О’Донел.
„Аватар: Патот на водата“ е лудо комплициран филм, најкомплицираниот некогаш направен“, напиша О’Донел на Твитер.
Тој додаде дека подводните сцени се снимени со 15 камери и дека благодарение на инфрацрвените зраци и компјутерската графика, ликовите изгледаат одлично дури и под вода.
„Сите актери, од седумгодишно дете до Сигурни Вивер, мораа да поминат курс за да научат како да го задржат здивот под вода две до три минути. Снимателите мораа да поминат низ истото“, напиша О’Донел во коментарот.
„Аватар 2“ ќе се прикажува 13 години по првиот филм. Ќе се гледа во 3Д, и ќе биде прво од трите продолженија на оригиналниот „Аватар“.
