Српската пејачка Теа Таировиќ синоќа била подложена на итна операција. Според „Блиц“, Теа синоќа била примена во болница поради внатрешно крварење, а нејзината состојба била толку сериозна што животот ѝ бил загрозен.
Операцијата поминала добро, а пејачката сега успешно се опоравува.
ПР-тимот на Теа Таировиќ набргу излезе со соопштение во кое се потврдува дека нејзината состојба е стабилна.
„Теа Таировиќ сега е добро. Нема да откриваме детали за нејзината здравствена состојба. Таа сама ќе ѝ се обрати на јавноста штом ќе биде во можност да го стори тоа. Ве молиме за разбирање“, наведоа од нејзиниот ПР-тим.
