Во просториите на Младинскиот културен центар (МКЦ) денеска беше отворен Центарот за дневен престој за лицата со попреченост од 14 години, па нагоре. Центарот го отворија заменик-министерот за социјална политика, демографија и млади, Ѓоко Велковски, и скопскиот градоначалник, Орце Ѓорѓиевски.
Во овој Центар корисниците ќе добиваат психолошка и стручна поддршка, ќе учествуваат во едукативни, креативни и рекреативни активности, ќе развиваат практични и животни вештини, ќе се дружат, ќе комуницираат и, чекор по чекор, ќе ги градат својата самостојност и својата самодоверба.
– Ова е место во кое ќе има сигурност, грижа, разбирање и човечка топлина. Место во кое ќе биде прифатен секој човек таков каков што е, со своите способности, желби, потреби и потенцијали. Нашата обврска како општество не е само да зборуваме за еднаквост туку и да ја создадеме во реалниот живот – истакна Ѓорѓиевски.
Тој додаде дека е важен овој Центар и за нивните семејства.
– За родителите и за старателите што секој ден носат огромна љубов, грижа и одговорност, сакаме да бидеме вистинска поддршка. Да знаат дека нивните најмили се во сигурни раце, во средина во која се почитувани, заштитени и поттикнати да напредуваат. Никој не смее да се чувствува заборавен, оставен настрана или помалку вреден – нагласи Ѓорѓиевски.
ИЗДВОЕНИ
Македонија официјално кандидат за домаќин на ЕП во ракомет 2034
Комарци и канали полни со застојана вода – ќе помогне ли прскањето?
Дел од македонските туристи побарале помош од Конзулатот во Солун поради пожарот на Халкидики
13 лица испрашани за ширење лажни вести за водата, сите кажале дека виделе од друг на Фејсбук
