Радио-телевизија Србија (РТС) ја тресат нови кадровски промени. Со одлука на вршителот на должноста главен уредник на Информативната програма, Боривоје Ускоковиќ, разрешени се неколку уредници – меѓу кои раководителите на регионалните дописништва, регионалната редакција, емисијата „Око“, веб-порталот и редакцијата за дијаспората – како и уредниците на централната вечерна информативна емисија („Дневник“), која се емитува во 19:30 часот.
Според официјалната веб-страница на РТС, меѓу разрешените се Весна Шиљеговиќ (регионални дописништва), Николина Ракиќ (регионална редакција), Горислав Папиќ (уредник на емисијата „Око“), Зоран Станојевиќ (уредник на веб-страницата) и Сузана Гвозденовиќ (уредник на редакцијата за дијаспората), пренесува „Телеграф“.
Разрешени се и уредниците на централниот „Дневник“ во 19:30 часот: Милица Недиќ, Душан Убовиќ и Ружа Јеремиќ Турудиќ.
Овие кадровски промени уследија по оставката на Мања Грчиќ од функцијата генерален директор на РТС, одлука што таа ѝ ја соопшти на Управниот одбор на јавниот сервис.
Пред да се повлече од функцијата генерален директор, Грчиќ ја разреши Бојана Млаѓеновиќ од должноста главен уредник на Информативната програма. Таа го предложи Боривоје Ускоковиќ за нејзин наследник; тој, пак, потоа ги донесе одлуките за новите разрешувања во неколку уреднички сектори. Овие потези претставуваат значителни промени во уредничката структура на РТС, особено во рамките на информативната програма и уредничките тимови кои подготвуваат содржини за телевизијата и дигиталните платформи.
ИЗДВОЕНИ
Двојните стандарди на ЕУ ја сечат гранката – Брисел ризикува да го загуби Балканот
По свирепите убиства во Ѓорче, МВР најавува контроли и обиколки, го повикува и соседството на соработка
Некој може да биде на работа 10 часа и да не сработи ништо, а друг да заврши сè за неколку часа
КОЛУМНА, ЗВОНКО ДАВИДОВИЌ: Меѓу големите политики и преживувањето на малиот човек
