Ботас замина за Сингапур – наместо со авион, тргна со велосипед! (ВИДЕО)

Валтери Ботас (37) реши на несекојдневен начин да патува до годинашната Голема награда на Сингапур. Додека останатите возачи најчесто користат приватни авиони, Финецот се качи на велосипед и тргна на авантура долга 350 километри низ Азија.

Патувањето го започна по Големата награда на Малезија, а неговиот напредок редовно го споделува со фановите на социјалните мрежи.

• Одам по помалку прометни патишта – можеби по малку подолга маршрута, напиша Ботас, кој подоцна објави и видео со порака: „Да, возам велосипед до Сингапур“.

На оваа необична авантура му се придружи и неговата партнерка, професионалната австралиска велосипедистка, Тифани Кромвел. Само во еден ден, Финецот поминал дури 161,91 километар, возејќи речиси шест часа. Голем дел од маршрутата минува по споредни патишта и необложени патеки, што дополнително го прави предизвикот импресивен.

 

View this post on Instagram

 

A post shared by Valtteri Bottas (@valtteribottas)

За Ботас, сепак, велосипедизмот одамна е многу повеќе од хоби. Тој редовно учествува на „гравел“ трки, а летово заврши петти во квалификациите за теренски настан во Чешка и обезбеди место на Светското првенство.

На четири тркала, ситуацијата сезонава е многу поразлична. Ботас се врати во Формула 1 како возач на новиот тим Кадилак, но по 16 трки, сè уште нема освоено ниту еден бод, а осум пати не успеал да стигне до целта.

Финецот има десет победи во Формула 1, но оваа сезона му донесе многу повеќе разочарувања. Затоа, долгото возење велосипед до Сингапур е можеби токму она што му е потребно за малку да избега од проблемите на патеката – и да најде причина за насмевка на две тркала.