Градоначалникот на Општина Аеродром, Дејан Митески, потпиша договор за финансиска поддршка со Здружението на пензионери „Солидарност“ – Аеродром, потврдувајќи ја континуираната грижа што им ја обезбедува Општината на своите највозрасни сограѓани.
– Пензионерите се важен дел од нашата заедница – генерации што со своите труд, знаење и посветеност придонеле за развојот и напредокот на општеството. Нивниот придонес заслужува искрена почит и благодарност. Општина Аеродром и понатаму ќе остане посветен партнер во создавањето подобри услови за живот на пензионерите. Додека работиме на развојот на Општината и инвестираме во иднината, со еднаква одговорност ги негуваме и вредностите, традициите и луѓето што ги поставиле темелите на денешен Аеродром – соопштија од локалната самоуправа.
