Со фолклорна вечер во Драмски театар – Скопје, Општина Карпош ја одбележа 50-годишнината од своето формирање. Настанот беше исполнет со македонски народни песни, ора, музика и традиција, а пред многубројната публика настапија шест фолклорни и културно-уметнички друштва од Општината. Своите музички и сценски изведби ги претставија МКУД „Цветан Димов“, ансамблот „Традиција“, ансамблот „Звуците на Каршиака“, фолклорното аматерско здружение „Ансамбл Етнос“, АКУД „Мирче Ацев“ и хорот на ова културно-уметничко друштво.
Преку настапите, учесниците го претставија богатството на македонското фолклорно наследство, обединувајќи различни генерации преку песна и игра, но и преку културните традиции што се негуваат во Карпош. На свеченоста присуствуваа градоначалникот на Општина Карпош, Сотир Лукровски, членови на општинскиот Совет, претставници на локалната самоуправа и бројни граѓани.
Од Општина Карпош посочуваат дека поддршката на културно-уметничките друштва и организацијата на вакви настани се дел од континуираните активности за унапредување на културниот живот. Фолклорната вечер беше посветена на зачувувањето и промоцијата на традицијата и културното наследство, како важен дел од идентитетот на заедницата.
ИЗДВОЕНИ
Како македонските јаболка се извезуваат во Русија, а се враќаат од Бугарија?
Сиљановска-Давкова од Брисел: Нашите проблеми не се поврзани со реалноста, туку со недостатокот на политичка волја од некои соседи
Оспорен вештакот на Дејан Јованов Деко, давал лаички заклучоци за објектот, како никогаш да немало пожар и загинати
Европа доаѓа во Скопје, Урко најави најмалку четири медали за Македонија
