Репрезентацијата на Норвешка се пласираше во 1/8 финалната рунда од СП 2026 откако со 2:1 ја доби пресметката против селекцијата на Брегот на Слоновата Коска. Погодокот вреден пласман во следната елиминациска рунда беше дело на напаѓачот на Манчестер сити, Ерлинг Халанд.
Норвежаните така освоија место во осминафиналето и сега се соочуваат со многу потешка задача, бидејќи нивниот противник ќе биде големиот Бразил.
Напаѓачот на Манчестер сити даде изјава по победата, повторно „запалувајќи“ ја целата нација со својата искреност.
„Шансите се мали. Играњето против Бразил во осминафиналето е нешто со кое ќе мора да се соочиме“, изјави Халанд.
Норвешкиот напаѓач нагласи дека тимот очекува голем предизвик во остатокот од турнирот.
„Сега одиме во осминафиналето, ќе има одлични тимови и нема да биде лесно. Ќе биде тешко да се оди понатаму. Нема да биде лесно, не знам дали ќе успееме. Многу се подготвивме и сè уште сме многу добро подготвени“, додаде Халанд.
Интересно е што бомбардерот даде слична изјава пред дуелот со Франција, а потоа Норвежаните беа поразени со 4:1 во третото коло од групната фаза.
Којзнае дали Халанд е само искрен и свесен за квалитетот на своите ривали или едноставно сака да ги натера своите ривали да ги потценат на овој начин.
Сепак, нема дилема дека Норвешка ќе направи сè за да го запре Бразил. На крајот на краиштата, Јапонија ги откри сите недостатоци на Бразилците, кои се пласираа понатаму дури по пресврт и гол во 95. минута.
