Адетокумбо продаден прекуноќ на Мајами

Грчкиот кошаркарски репрезентативец, Јанис Адетокумбо, му беше продаден на Мајами прекуноќ и така, по 13 години во дресот на Милвоки во НБА-лигата, тој ја менува средината.

Адетокумбо беше незадоволен две сезони во Милвоки, го изрази своето незадоволство и бараше решение, а кога виде дека нема да го добие засилувањето што ќе му ја донесе титулата, инсистираше на размена, и на крајот ја доби.

Во „блокбастер“ размената, Мајами ги испрати и Тајлер Хиро, Келе Веар, Хаиме Хакез, Каспарас Јакутсионис и тројца пикови од првото коло и еден втор во Милвоки, додека го доби Боби Портис заедно со Адетокумбо.

Дали е доволно тоа или не? Ќе биде познато многу наскоро,  Адетокумбо ќе треба да докаже дека може да ги повтори настапите од своите најдобри денови во Милвоки, а ќе треба и да ги избегне повредите што го мачеа во последните две сезони, кога не беше толку голема закана како што беше во деновите кога ја добиваше МВП-наградата.

Единственото прашање е дали ќе успее Мајами да изгради шампионски тим, Никс сигурно не планира да се откаже од тронот и сака да доминира на Истокот, секако, тука се и опасниот Детроит, Бостон – кој ќе го има Тејтум од почетокот на сезоната, додека Дарко Рајаковиќ создаде многу добар тим со Торонто.

Адетокумбо одигра само 36 натпревари минатата сезона и имаше просек од 27,6 поени, 9,8 скока и 5,4 асистенции на натпревар.