Жена е спасена од превртен автомобил во утринските часови на патот кон Дојран, по речиси час и половина долга интервенција на пожарникарите од Гевгелија, Валандово и Дојран.
Сообраќајната несреќа била пријавена преку бројот за итни случаи 112, каде било пријавено дека на раскрсницата за Дојран кон селото Ѓопчели се превртело возило со гевгелиски регистарски ознаки, во кое имало три лица.
На местото веднаш биле упатени противпожарни екипи од Гевгелија, Валандово и Дојран. Спасувачката акција траела од 05:30 до 06:55 часот.
Од ТППЕ Гевгелија информираат дека на местото затекнале превртено возило „берлинго“ на покрив, во кое била приклештена жена. По сложената интервенција, таа била успешно извлечена и, според првичните информации, се здобила со полесни повреди.
Увид на местото на сообраќајната несреќа извршила екипа од Полициската станица Гевгелија.
ИЗДВОЕНИ
Невремето го оштети симболот на Скопје: Настрада часовникот на Музејот на градот/ФОТО
Страшни последици од невремето: 10 граѓани се повредени, се бројат стотици штети на возила, покриви, паднати дрвја, оштетени семафори
Невремето остави пустош: 15 лица завршија во болница, 112 „вжештена“ со над 8.300 повици – нов удар се очекува ноќва
Панчев без влакна на јазикот: Ерата на Меси завршува, фудбалот целосно се менува
