На 5 март, со почеток во 19:00 часот, во студиото „Приватен принт“ во Скопје, е закажано отворањето на видеоинсталацијата „Тела за еднократна употреба“ на словенечката уметница Лара Рајхман. Поставката ќе биде проследена со уметнички разговор меѓу Лара Рајхман и Тиа Чичек, кураторка и истражувачка од Љубљана, кој ќе се одржи на 6 март, со почеток во 19:00 часот.
„Тела за еднократна употреба“ ги преплетува историските факти и фикцијата, црпејќи од приказната за жените вработени во опсерваторијата „Харвард“ кон крајот на 19 век, кои документирале и мапирале ѕвезди на ноќното небо. Видеоинсталацијата користи метафора и поетски наратив за да го постави прашањето кој останува запаметен и како стануваат телата алатки во системите базирани на податоци.
Лара Рајхман (1995) е визуелна уметница од Љубљана, Словенија, која работи во областа на видеото, анимацијата и на дигиталната графика. Комбинирајќи историски фрагменти со фиктивни наративи, таа (пре)обмислува приказни за заборавени, избришани или недостижни места, како и фигури што постојат на маргините на запишаната историја.
Изложбата ќе може да се види до 26 март.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
