Студентите во Србија порачаа изјавија дека нема да дозволат нивната борба да стане „полигон за политички манипулации на други, непромислени постапки или приватни интереси“, ниту пак ќе дозволат поединци и неформални групи да си ги припишуваат заслугите за постигнувањата на студентското движење.
Во објава на Инстаграм – пуштена пет дена по вонредните парламентарни избори на кои победи „Студентската листа“ – тие истакнаа дека изминатите две години ги поминале градејќи доверба, солидарност и чувство на заедништво.
„Покажавме дека организираните граѓани и студенти можат да ги поместат границите на она што се смета за невозможно. Сепак, борбата не е завршена и нема да дозволиме таа да стане полигон за политички манипулации на други, непромислени постапки или приватни интереси“, изјавија студентите.
Во објавата се наведува дека одредени поединци и неформални групи се обидуваат да создадат паралелни центри за одлучување и да ги присвојат напорите на студентското движење за да ги искористат како сопствен политички капитал.
Студентите нагласија дека соработуваат со „Мрежата на собири“, која ја опишуваат како единствена легитимна, транспарентна и обединета организација заснована на собири.
Истовремено, тие изјавија дека не соработуваат со групи како што се „Zborovi Novi Sad“, „Budni do kraja“, „Kraj“, „LibertarNS“ и „100 posto Sad“, ниту пак со која било од нивните подгрупи или организации.
„Нашата борба е залагање за правилно функционирање на институциите – ослободени од насилство, хаос и опортунистичко искористување“, се вели во објавата.
View this post on Instagram
ИЗДВОЕНИ
Повторно ќе им се суди на директорите за пожарот во Модуларната болница
За аферата со очната установа: Болницата реагира дека нема оштетени, поранешен пациент им враќа, не ми дадовте извештај и баравте кеш
Три пресметки за животниот стандард, една реалност – македонските плати најниски во Европа
Македонија поместува планини за милиметар напред, Бугарија со закована позиција
