За време на денешната средба со претседателот на Собранието на Косово, Албулена Хаџиу, Косовската женска мрежа (КЖМ) побара фемицидот и насилството овозможено преку технологија да бидат вклучени во Кривичниот законик.
Мрежата препорача измени на Кривичниот законик со цел вклучување на фемицидот и насилството овозможено преку технологија, како и зајакнување на механизмите за заштита и постапување во случаи на насилство.
Исто така, беше препорачано обезбедување доволно финансиски средства за социјалните работници и специјализираните служби посветени на заштитата и решавањето на случаите на родово засновано насилство.
Според соопштението, на средбата беше истакната и важноста од поддршка на организациите за женски права, како и обезбедување на нивно вклучување во процесите на носење одлуки.
Пред неколку дена, КЖМ испрати писма до 120 пратеници, премиерот и повеќе министри, во кои се наведени препораки за кои организацијата тврди дека се засновани на истражувања и стручна експертиза.
Ова барање, меѓу другото, е поттикнато и од неодамнешното убиство на Арлинда Зекај, која во неделата вечерта беше убиена од нејзиниот зет, пренесе „Бета“.
ИЗДВОЕНИ
Повторно ќе им се суди на директорите за пожарот во Модуларната болница
За аферата со очната установа: Болницата реагира дека нема оштетени, поранешен пациент им враќа, не ми дадовте извештај и баравте кеш
Три пресметки за животниот стандард, една реалност – македонските плати најниски во Европа
Македонија поместува планини за милиметар напред, Бугарија со закована позиција
