Студен фронт од Русија в четврток ќе донесе нов снег во Македонија

До крајот на седмицата во Македонија ќе преовладува променливо облачно време со повремен локален дожд. Во среда ќе има појава на нестабилна облачност со пороен дожд и грмежи. Во четврток наместа ќе има пообилни врнежи, а поради продор на постуден воздух од север на планините ќе има услови врнежите од дожд да преминуваат во снег. Ќе дува умерен до засилен северен ветер, а температурата ќе биде во значително опаѓање. Во петок и во деновите од викендот ќе се задржи посвежо време, а утринската температура наместа ќе се спушти под нула степени.

Додека нашиот регион денес ќе биде под влијание на топла воздушна маса од Медитеранот, источна Европа е погодена од ледена воздушна маса од поларните региони, а западна Русија е покриена со снег. Силна снежна бура ја погоди Москва, носејќи рекордни снежни врнежи за месец април.

Оваа многу ладна воздушна маса ќе се движи кон Балканот во наредните денови.