Постар маж (89) повредил неколку лица во одделни пукотници на две локации во Атина, по што избегал и се бара, објавија локалните медиуми. Според достапните информации, напаѓачот прво влегол во зградата на Единствениот фонд за социјално осигурување (EFKA) во областа Керамикос, каде што пукал од пушка и ранил вработен во ногата, објави „Прототема“.
Повредениот е однесен во болница. После тоа, осомничениот со такси се упатил кон Апелациониот суд во Атина во областа Лукареос, каде што повторно отворил оган и ранил уште четири лица, сите жени, според медиумите во грција.
Службите за итни случаи брзо реагирале, а повредените биле префрлени во болница. Сведоците рекле дека напаѓачот го извадил оружјето и пукал без предупредување, додека некои тврдат дека наредил на една од жртвите да легне пред да пука.
Полицијата започнала обемна потрага по осомничениот, кој е сè уште на слобода.
Според првичните информации, вмешаното лице страда од психолошки проблеми. Официјалните институции сè уште не објавиле никакви дополнителни детали за мотивот за нападот.
ИЗДВОЕНИ
Пронајден e и лишен од слобода сторителот кој денеска опожари две возила пред Бугарската Амбасада/видео
Мегапонеделник за ЕУ, дежа ви за Македонија
Запалени две возила кај Амбасадата на Бугарија во Скопје
Македонците шокирани од цените на Јадранот, во Црна Гора лежалки 25 евра, во Хрватска за седум дена 3.700 евра
