Иран состави нов список на цели во Израел во случај на каков било израелски напад, изјави денес неименуван ирански безбедносен извор за Ал Џезира.
Зборуваме за напади врз објекти кои би требало да се поправаат со години, рече изворот, додавајќи дека нивното таргетирање би го забрзало иселувањето од Израел.
Овие изјави беа објавени во време на зголемена чувствителност во Иран во врска со фабриката „Шахид Алимохамади“, која во извештаите на англиски јазик се нарекува „Планина Пикејкс“.
Локацијата, на околу два километри од нуклеарниот комплекс Натанз, сè уште е во изградба, но вклучува тунели и комплекси вкопани длабоко во планината, што ја прави еден од најдобро утврдените објекти во Иран.
Ирански извори предупредија дека секој напад врз локацијата би предизвикал одговор насочен против Израел, дури и ако нападот го извршиле САД без официјално вклучување на Израел.
Иран тврди дека е локација за склопување на напредни центрифуги, додека американските и израелските разузнавачки служби се сомневаат дека таму може да се наоѓа таен објект за збогатување на ураниум.
