Селекторот на македонската репрезентација, Гоце Седлоски, го објави списокот на фудбалери за претстојните пријателски натпревари против Босна и Херцеговина и Турција.
Македонија на 29 мај ќе гостува во Сараево, додека на 1 јуни ќе игра против Турција во Истанбул.
На списокот се најдоа 27 фудбалери, а најголемо внимание привлекуваат дури петмина дебитанти кои за првпат добија повик во националниот тим. Станува збор за Дин Аломеровиќ од тимот на Арад, Георгије Јанкулов и Азер Омерагиќ од Вардар, како и Дарко Анѓелески и Дарко Додев од Силекс.
Поради повреди, Седлоски нема да може да смета на Љупче Дориев, Лука Станковски, Егзон Бејтулаи, Марио Илиевски и Димитар Митровски. Дополнително, поради клупски обврски од списокот отпаднаа и Тихомир Костадинов и Андреј Стојчевски.
На списокот повторно се најдоа главните носители на играта како Елиф Елмас, Енис Барди, Бојан Миовски и Столе Димитриевски.
Во нападот шанса добија и Дарко Чурлинов, Елмин Растодер, Милан Ристовски и Омерагиќ, кој зад себе има одлична сезона во дресот на Вардар.
Овие два натпревари ќе бидат важен тест за Седлоски пред следните официјални предизвици на македонската репрезентација.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
