Ѓоковиќ, 11-тиот тенисер во светот, го совлада играчот кој се наоѓа на 27-мото место на АТП-листата, по два часа и 29 минути игра.
Во првиот сет немаше одземања на сервис, па се стигна до тај-брејк; по голема борба, Вашеро излезе како победник (7:5) и поведе во сетови.
На почетокот на вториот сет, Вашеро му го одзеде сервисот на Ѓоковиќ, но српскиот тенисер возврати во четвртиот гем и израмни на 2:2. До 12-тиот гем немаше нови брејкови, а тогаш Вашеро сервираше за останување во сетот; Ѓоковиќ успеа да му го одземе сервисот и со тоа да го израмни резултатот во сетови на 1:1.
Ѓоковиќ доминираше во третиот сет, правејќи брејкови во вториот и шестиот гем, со што ја обезбеди победата и пласманот во второто коло.
Во второто коло, Ѓоковиќ ќе се соочи со Австралиецот Ринки Хиџиката, пренесе „Бета“.
ИЗДВОЕНИ
Алта ја пикираат две домашни банки, кој ќе ја преземе?
Криминалната мрежа мамела граѓани во најмалку 50 држави, а осомничени кол-центри биле идентификувани и во Македонија
По Груби и Перпарим Бајрами излегува од затвор со гаранција
Како македонските јаболка се извезуваат во Русија, а се враќаат од Бугарија?
