Грчкиот министер за одбрана Никос Дендиас денес изјави дека Атина во наредните часови привремено ќе ја префрли ќе премести батеријата „Патриот PAC-3“ во северниот дел од земјата за да обезбеди ракетна одбрана над голем дел од бугарската територија, објавија грчките медиуми. Системот PAC-3 е најнапреден за пресретнување на балистички закани.
Дендиас додаде дека на состанокот на Националниот совет за одбрана, исто така, е одлучено да се префрлат два авиони Ф-16 на аеродром во северна Грција со единствена задача да ѝ обезбедат на Бугарија дополнителна воздушна заштита, објави „Катимерини“.
Дополнително, двајца високи офицери на грчките воздухопловни сили ќе бидат испратени во Оперативен центар на бугарските вооружени сили во Софија, се вели во соопштението.
– Вчера и денес бев во контакт со бугарскиот министер за одбрана Атанас Запријанов. По вчерашното барање од бугарска страна, денес го информирав министерот дека Грција ќе обезбеди средства и персонал за заштита на Бугарија – рече Дендиас.
Тој додаде дека овие чекори се преземени на барање на Бугарија, членка на НАТО и Европската Унија, и дека тие воопшто нема да влијаат на антибалистичката заштита на грчката територија.
Дендиас исто така рече дека ќе ја посети Софија следната недела, на покана на неговиот бугарски колега.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
