Рударите кои со часови беа заробени во окното на рудникот „Стари трг“ поради проблеми со електричната енергија, конечно се на сигурно

Рударите кои беа заробени во рудникот „Стари трг“ во близина на јужниот дел на Косовска Митровица поради проблеми со електричната енергија го напуштија рудникот, објавува „Економија онлајн“.

Поради проблеми со електричната енергија во рудникот, 18 рудари беа заробени од 01:30 часот по полноќ ноќеска.

Компанијата „Трепча Југ“ претходно денес објави дека рударите се заробени поради прекин во снабдувањето со електрична енергија поради дефект во далноводот.

Рударите во рудникот „Стари Трг“ неколку пати претходно биле заробени во рударските окна поради прекини на електричната енергија.

Кон крајот на јануари, втората смена на рударите во тој рудник била заробена под земја со часови поради прекин на електричната енергија, пренесува „Танјуг“.

Претседателот на синдикатот Ибрахим Јонузи претходно изјави дека состојбата на рударите во окното засега е добра, но дека може да се влоши ако останат подолго.

Директорот на рудникот „Стари Трг“, Шиќири Садику, потврди дека рударите се заробени од 1:30 часот наутро.

Рудникот „Трепча Југ“ го управуваат привремени приштински институции, а рудникот се соочува со бројни проблеми, па вработените често штрајкуваат, пренесува „Танјуг“.