Две лица од Романија се уапсени во Скопје, по пријава за измама на повозрасна жена. Според соопштението од МВР, на 22 април 2026 година околу 19:30 часот, на подрачјето на Чаир, полициски службеници од СВР Скопје ги лишиле од слобода 35-годишниот Ј.Г. и еден малолетник, двајцата од Романија.
Во соопштението се наведува дека постапувањето е по претходна пријава дека тие измамиле 83-годишна скопјанка. Според пријавеното, едно од лицата дошло во домот на оштетената на подрачјето на Ѓорче Петров, претставувајќи се како продавач на луксузни производи за домаќинство, по што со измама ѝ одзел 300 евра и златен накит во вредност од околу 300.000 денари.
Во соопштението се додава дека по целосно документирање на случајот ќе биде поднесена соодветна пријава.
ИЗДВОЕНИ
ПРОМЕНАТА НА ИЗБОРНОТО ЗАКОНОДАВСТВО ВО НАЈДЕЛИКАТНА ФАЗА: Ќе чека ли една изборна единица некои други избори?
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
