Американскиот претседател Доналд Трамп го пофали физичкиот изглед на раперката Ники Минаж за време на политички собир во Мичиген, забележувајќи дека таа има „навистина добар задник“.
Неговиот коментар предизвика реакција кај присутните, а пејачката стана и ѝ мавташе на публиката која навиваше, пренесува „Телеграф“ (The Telegraph). Трамп патуваше заедно со Минаж во претседателскиот авион „Ер форс уан“ до Порт Хјурон, Мичиген.
„Патем, тукушто видов навистина добар задник: Ники Минаж. Тоа е тешко да се пропушти“, рече Трамп за време на собирот.
Trump: I looked at one hell of a beautiful ass before, Nicki Minaj. That's hard to miss. Stand up. pic.twitter.com/5UJQ6gEBTO
— Headquarters (@HQNewsNow) October 25, 2026
По неговата забелешка, раперката стана и ја поздрави толпата, додека претседателот додаде дека се надева оти таа не се „навредила“ од неговиот коментар. Подоцна, Ники Минаж му се придружи на сцената и изјави дека Трамп ја „променил енергијата во земјата“.
За време на летот со „Ер форс ван“, некои од блиските соработници на Трамп ја изнесоа идејата дека Минаж би можела да ја преземе улогата на секретар за односи со јавноста на Белата куќа. Оваа позиција остана испразнета откако Кети Закарија беше разрешена по само пет дена на функцијата.
Стивен Чунг, директорот за комуникации на Белата куќа, објави видео на кое се гледа како Минаж, за време на летот, дискутира за економската и надворешната политика на администрацијата на Трамп.
„Дами и господа, мислам дека можеби најдовме нов секретар за односи со јавноста на Белата куќа!“, напиша Чунг покрај видеото.
Официјалниот профил на Белата куќа на социјалната мрежа „Икс“ (X) одговори со ‘емоџи’ што прикажува очи, додека Алекс Брусевиц, еден од советниците на Трамп, напиша: „Еј, ’Барбс‘, што мислите за оваа идеја?“
„Барбс“ е името со кое се нарекуваат обожавателите на Ники Минаж.
