Градоначалникот на општина Карпош, Сотир Лукровски, не дал оставка, туку од здравствени причини е на боледување, појасни премиерот Христијан Мицкоски, по шпекулациите околу градоначалничката позиција во Општината. Мицкоски рече дека додека градоначалникот се врати од боледување, во Општината има законски именуван заменик, кој ќе го заменува во извршувањето на обврските и надлежностите.
– Градоначалникот на Општина Карпош, Сотир Лукровски, нема дадено оставка. Тој е на боледување. Во моментот, во Општината има законски избран заменик-градоначалник, кој го заменува градоначалникот додека е на боледување поради одредени здравствени проблеми. Иако имаше и такви политички глодачи, кои излегуваа и се ситеа на здравствена состојба на човек, јас нема да ги коментирам тие политички глодачи. Му посакувам брзо закрепнување на градоначалникот и што побргу да се врати на својата работна позиција. Повеќе детали за здравствената состојба ниту сум овластен ниту би сакал да споделам, изјави премиерот Мицкоски.
ИЗДВОЕНИ
Почина Владо Јаневски: Зад себе остави безвременски хитови и незаборавно музичко наследство
СЕ РАЗЈАСНУВА РАСПРЕДЕЛБАТА НА ВЛАДИНИТЕ РЕСОРИ: Вреди со шест ресори меѓу кои и правда, култура и односи меѓу заедниците, ЗНАМ со две министерства
НАЈАВА ОД ЧЕСТВУВАЊЕTO НА СПОМЕНОТ НА ПРОГОНОТ НА МАКЕДОНЦИТЕ ВО ГРАЃАНСКАТА ВОЈНА ВО ГРЦИЈА: Релјефот на мајката со трите деца се враќа на споменикот на децата бегалци од Егејска Македонија
ЖИВОТНИ ПАТОКАЗИ, ЗОРАН КРСТЕВСКИ: ЖИВЕЈ СО СМИСЛА
