Екипите на јавните претпријатија на Град Скопје интензивно работат во вториот дел од Градскиот парк, каде што се отстрануваат последиците од неодамнешното невреме, се санираат штетите, се отстрануваат старите и оштетени дрвја и се садат нови садници.
Скопскиот градоначалник, Орце Ѓорѓиевски, нагласи дека невремето оставило сериозни последици во целиот град, а еден од најпогодените простори бил токму Градскиот парк.
– Беа соборени повеќе од 100 дрвја, беа затрупани пешачките патеки и ѝ беше нанесена значителна штета на урбаната опрема. Благодарение на брзата реакција и посветената работа на екипите на јавните претпријатија на Град Скопје, првиот дел од паркот е расчистен. Насадени се нови садници, санирана е оштетената урбана опрема и просторот повторно е достапен за посетителите – истакна Ѓорѓиевски.
Тој наведе дека не може да се спречат природните непогоди, но може да се покаже дека со заедништво, организираност и со посветена работа брзо и одговорно ќе се надминат последиците.
– Продолжуваме со работа сè додека не биде обновен и последниот оштетен дел од паркот – дециден е Ѓорѓиевски.
ИЗДВОЕНИ
Квадрат стан ја проби границата од 3.000 евра, а 47 семејства првпат добија свој клуч
Гостивар се стабилизира, нема нови хоспитализации – граѓаните сè уште чекаат вода за пиење
Владата децидна – нема укинување, пензиските друштва смируваат: Тоа се ваши пари!
„Талогот“ ги замати илинденските пораки за единство
