Во средното училиште „Раде Јовчевски – Корчагин“, пристигна првата пратка бесплатни униформи, кои се изработени од 100% памук. Ова е почеток на реализацијата на мерката со која униформи ќе добијат сите ученици од прва година во средните училишта на Град Скопје!
-Со бесплатните униформи го олеснуваме товарот врз семејниот буџет и придонесуваме за намалување на видливите социјални разлики меѓу учениците. Правиме конкретен чекор кон училишна средина во која нема место за потсмевање, дискриминација и булинг поради облеката што некој ја носи – изјави градоначалникот на Град Скопје, Орце Ѓорѓиевски.
Тој исто така наведе и дека се опремени кабинети по информатика, обезбедени се дидактички материјали и помагала, интерактивна технологија, смарт табли, нови клупи и столчиња.
-Вложуваме во спортски терени и фитнес зони, во современи услови за учење и здрав развој. Продолжувам со истата решителност, затоа што зад секоја мерка стојат ученици со свои надежи и семејства што очекуваат поддршка – истакна Ѓорѓиевски.
ИЗДВОЕНИ
Затворени експозитури, ограничени исплати… Алта банка ги разбуди болните спомени од ТАТ
Женска дипломатија – ќе најдат ли Сиљановска-Давкова и Јотова заеднички јазик?
Владата предлага укинување на Советот на безбедносно-разузнавачките служби, се укинува координацијата, се отвора патот за спојување на агенциите?
Првиот падобрански скок траел неколку минути, а одекнува еден век
