Посебен режим на сообраќај во Скопје

Министерството за внатрешни работи (МВР) соопшти дека денеска во централното подрачје на Скопје ќе биде воспоставен посебен сообраќаен режим поради протестот што по повод 1 Мај – Меѓународниот ден на трудот.

Протестот го организира Сојузот на синдикатите на Македонија.

Првомајскиот протест треба да почне во 11:00 часот пред зградата на Сојузот на синдикатите на Македонија, а ќе заврши пред Владата на булеварот Илинден.

-Протестот e предвидено да почне пред зградата на ССМ на улица „Мирче Ацев“ број 4 со движење лево по улица „Филип 2 Македонски“, десно по улица „11-ти Октомври“, право по улицата „Димитрие Чуповски“, десно по улица „Васил Главинов“, право по булеварот „ВМРО“, лево по булевар „Илинден“ до пред Владата – се наведува во соопштението од МВР.

Оттаму апелираат, граѓаните да ги почитуваат наредбите што ги издаваат полициските службеници по сообраќајниците каде што ќе се движат учесниците на протестот.