Хамнеи: Ќе ги заштитиме достигнувањата во нуклеарната и ракетната сфера

Иран ќе ги заштити своите достигнувања во нуклеарната сфера и ракетните технологии, изјави врховниот лидер на Иран, Моџтаба Хамнеи.

„Деведесет милиони храбри и побожни Иранци и сонародници во и надвор од земјата го сметаат целиот оригинален, духовен, човечки, научен и индустриски потенцијал за национално богатство, како и нови и фундаментални технологии, од нано и биотехнологии до нуклеарни и ракетни технологии“, рече Хамнеи во говорот по повод Денот на Персискиот Залив.

Врховниот лидер додаде дека Иран има намера да ги заштити сите овие достигнувања исто како што ги брани своите копнени, морски и воздушни граници, објави Срна.

Денот на Персискиот Залив, официјален празник во Исламската Република, е воспоставен за да се одбележи отстранувањето на португалските колонијални сили од јужните брегови на земјата пред речиси четири века.