Нова трибина на фудбалското игралиште во училиштето „Страшо Пинџур“

Општина Ѓорче Петров продолжува со вложувања во младите и во нивниот спортски развој.

На фудбалското игралиште во ООУ „Страшо Пинџур“ е изградена нова трибина во должина од 15 метри, со што се создадени поквалитетни услови за следење на натпреварите и поддршка на учениците спортисти.

– Воедно, има поголем капацитет за публика и на тој начин е подобрена организацијата на спортските настани, но претставува и мотивација младите да се занимаваат со спорт – соопштија од Општина Ѓорче Петров.

Оттаму додаваат дека со секоја инвестиција во спортската инфраструктура, се вложува во здравјето, енергијата и во иднината на нашите генерации.