Со одлична динамика напредува надградбата на основното училиште „Ацо Шопов“. Од Општина Бутел информираат дека во заедничка соработка со Министерството за образование и наука биле надминати проблемите со кои се соочиле при изведба на новата надградба на училиштето.
-Новиот објект ќе содржи нови четири училници, со модерен хол, тоалети и сите други неопходни простории. Оваа надградба ќе биде уште еден симбол за посветеноста на нашата општина за обезбедување на најдобри услови за нашите деца. Ваквите капитални инвестиции се приоритетни и со тоа се исполнуваат ветувањата пред граѓаните на нашата општина – потенцираат од локалната самоуправа.












