Јунајтед доби „корпа“ од уште еден успешен тренер

Манчестер јунајтед поминува низ уште една исклучително турбулентна сезона, и се чини дека промената на клупата нема да биде лесна. Англискиот гигант бара излез од резултатската криза, разгледувајќи потенцијални наследници на Мајкл Карик, но едно големо тренерско име веќе ја затвори вратата од „Олд Трафорд“.

Тоа е Дидие Дешамп, легендарниот француски стручњак кој ја одби можноста да стане нов менаџер на Манчестер јунајтед. Според „Дејли мирор“, челниците на англискиот клуб го контактирале за да ја истражат можноста за негово доаѓање, но не добиле одговор на каков што се надевале.

Дешамп, кој го освои Светското првенство во 2018 година со Франција, не е заинтересиран да го преземе Јунајтед. По 14 години на клупата на француската репрезентација, тој одлучил да направи пауза и не сака да влезе во проект кој моментално е во големи проблеми.

Неговото отфрлање претставува нов удар за Манчестер јунајтед, кој веќе некое време се обидува да најде решение за кризата. Позицијата на Карик е сериозно разнишана, а раководството на клубот разгледува различни опции доколку одлучат да направат уште една промена.

Јунајтед има освоено само осум бода од десет лигашки натпревари и е на 18. позиција на табелата која гарантира пласман во понизок ранг. Поради таквите резултати, раководните лица се повеќе од загрижени и затоа е можно да се случат сериозни промени на „Олд Трафорд“ за време на репрезентативната пауза.

Таквиот почеток на сезоната предизвика сериозна загриженост кај челниците на клубот, кои почнаа да ја разгледуваат можноста за отпуштање на Карик.