МУРИЊО: Бадијала ќе останеш, нема да играш!

Жозе Мурињо одлучи да ѝ се „закани“ на големата ѕвезда на Реал Мадрид, која не планира да си замине од „Сантијаго Бернабеу“. Иднината на играчот од средниот ред повторно е една од главните теми кога е летниот преоден рок во прашање, откако се појавија информации за неговиот разговор со португалскиот стручњак. Според странските медиуми, Специјалниот одлучил целосно да биде отворен со францускиот репрезентативец и да му објасни каква улога гледа за него во претстојната сезона. Наводно му рекол на Едуардо Камавинга дека не може да очекува голема минутажа и дека во моментов не е меѓу играчите на кои ќе се потпира како на стандардни првотимци.

Таквиот разговор би можел да претставува пресвртница во кариерата на 23-годишниот играч од средниот ред, особено затоа што во последните недели сè почесто се споменува можноста за негово заминување од клубот.

Сепак, и покрај јасната порака што ја доби од тренерот, Камавинга нема намера да се откаже од борбата за место во тимот. Според изворите, тој сака да остане во клубот и да се обиде да се бори за поголема улога преку тренинзите, пријателските натпревари и настапите кога ќе добие шанса. Тој верува дека неговиот квалитет може да го убеди Мурињо да се премисли и верува дека сезоната ќе донесе доволно натпревари за да докаже дека заслужува повеќе време на теренот.

Неговата одлука да остане може дополнително да ја комплицира ситуацијата во средниот ред, каде што има голема конкуренција, а секој играч сака што е можно повеќе време за играње.

Од друга страна, нема недостиг на интерес за Камавинга. Со месеци, тој се поврзуваше со неколку европски гиганти, кои внимателно го следат неговиот статус и се подготвени да реагираат доколку стане јасно дека не е во плановите на Мурињо.

Сепак, засега заминувањето не е опција што ја разгледува францускиот играч од средниот ред. Негов приоритет останува да се бори за своето место и да докаже дека сè уште може да биде важен дел од тимот.