Град Скопје организира летен наставно-научен едукативен камп за средношколците од главниот град, кој ќе се одржи во Охрид, од 19 до 31 август.
– Кампот ќе им овозможи на учениците да учествуваат во научноистражувачки работилници, едукативни предавања, интерактивни дискусии, тимски проекти, културно-историски посети и спортски активности, со цел поттикнување на љубопитноста, креативноста и на лидерските способности – соопштија градските власти.
Тие додаваат дека вложувањето во младите е вложување во иднината и нагласуваат дека преку вакви проекти се создаваат нови можности за личен развој, стекнување знаења и градење трајни пријателства меѓу учениците.
