Француската спортска јавност е во центарот на нова контроверзија откако беше отстранета водителката Франс Пјерон од програмата на францускиот спортски медиум поради изјава што предизвика жестоки реакции кај гледачите и на социјалните мрежи.
Пјерон се најде на удар на критиките по коментарот за привременото заминување на белгискиот репрезентативец Џереми Доку од националниот тим за да присуствува на раѓањето на своето дете. Нејзината забелешка беше оценета како несоодветна и навредлива, по што следуваше лавина од негативни реакции.
Mais qui a demandé l’avis d’une journaliste sportive sur la vie privée de Jérémy Doku ??? Surtout pour tenir des propos comme cela.
La prochaine fois, n’hésite pas à t’abstenir @francepierron pic.twitter.com/QfrqFkU93X
— Joueurs Belges 🇧🇪 (@JoueursBE) June 19, 2026
По силниот притисок од јавноста, медиумот јавно му се извини на Доку и донесе одлука водителката привремено да биде отстранета од програмата. Случајот предизвика широка дебата во Франција за одговорноста на телевизиските личности и за границите на коментарите во спортските емисии.
Во меѓувреме, Доку го пропушти натпреварот на Белгија против Иран, кој заврши без голови, но брзо се врати во тимот откако успешно мина породувањето и стана татко. Белгискиот репрезентативец претходно настапи на дуелот против Египет, кој заврши со резултат 1:1.
Белгија по две кола има само два бода и сè уште не обезбедила место во следната фаза. Сепак, победа во последното коло против Нов Зеланд би требало да биде доволна за остварување на првата цел и пласман понатаму.
Иако се поделени мислењата околу неговото заминување среде турнирот, за него е најважно што беше покрај своето семејство во еден од најзначајните моменти во животот, а потоа без проблеми се врати да им помогне на соиграчите во борбата за пласман во нокаут-фазата.
