Ополномоштениот амбасадор на Индија за Македонија, Арун Кумар Саху, најавил донација на биста на Махатма Ганди за Град Скопје, која ќе биде поставена на јавен простор, како траен симбол на пријателството меѓу Македонија и Индија.
Иницијативата произлегла на средбата на скопскиот градоначалник, Орце Ѓорѓиевски, со делегацијата од Амбасадата на Република Индија, предводена од амбасадорот Саху.
Ѓорѓиевски објави дека е уверен дека оваа иницијатива дополнително ќе ги зацврсти односите меѓу двете земји и ќе придонесе за промовирање на мирот, дијалогот и на меѓусебното почитување.
Тој наведе дека било разговарано за значењето на зачувувањето на оставината на Мајка Тереза и на Махатма Ганди, две исклучителни личности и универзални симболи на мирот, хуманоста, толеранцијата и на човечкото достоинство.
Мајка Тереза, родена во Скопје, во 1910 година и добитничка на Нобеловата награда за мир, најголемиот дел од својот мисионерски живот му го посвети на помагањето на најранливите во Индија, додека Махатма Ганди, кој се смета за татко на нацијата, останува еден од најголемите поборници за мир и за ненасилство во светската историја.
ИЗДВОЕНИ
ВО ХРАМОТ НА ДЕМОКРАТИЈАТА ОДНОВО СЕ СЛУШНАА ТЕШКИ НАВРЕДИ: „Кокошка“ во Собранието – Кодексот падна на првиот тест
СУДИЈАТА ГОЦЕ НАУМОВСКИ СЕ ПОВЛЕЧЕ САМО ПЕТ МЕСЕЦИ ПО ИЗБОРОТ: Нова оставка за нови кочници во Уставниот суд
Платите, цените и потрошувачката кошница не стигнаа на дневен ред на седницата на ЕСС
Наместо без работа зад решетки, затворениците со метли покрај патиштата
