На 27 јули (понеделник) со почеток во 18:00 часот, од дворот на црквата „Свети Петар и Павле“ во Горно Лисиче, околу 40 коњаници, меѓу кои и пет девојки, ќе тргнат кон Крушево, продолжувајќи ја речиси петдецениската традиција посветена на чествувањето на Илинден и на македонските херои.
Станува збор за свечено испраќање на учесниците на 48. традиционален Илинденски коњички марш, кој ќе се одржи во пресрет на одбележувањето на големиот државен празник 2 Август, Илинден, во организација на Здружението на граѓани „Илинденски марш 1978“.
На 31 јули, коњаниците од Горно Лисиче ќе се обединат со учесниците од Свети Николе, Кичево и од Битола, испраќајќи силна порака за единство, почитување на традицијата и зачувување на македонското историско наследство.
Општина Аеродром упатува покана до сите граѓани да бидат дел од свеченото испраќање и заедно да им се оддаде почит на илинденците, чија жртва и идеали и денес претставуваат симбол на слободата, единството и на државноста на Македонија.
ИЗДВОЕНИ
Оставката на судијата Наумовски го одложи одлучувањето на Уставниот суд за платеното политичко рекламирање
Јакимовски прегледан од лекар, во добра здравствена состојба е
Аргентина е бесмртна – против Шпанија ќе го нападнат историскиот подвиг што никој не го направил 64 години!
Уставниот судија Гоце Наумовски си поднесе оставка пет месеци по изборот од лични причини
