ГВАРДИОЛА: Ќе се расплачам ако продолжите да зборувате за него

Манчестер сити забележа голема победа на „Итихад“ против Арсенал (2:1), во натпревар кој лесно може да се покаже како клучен во трката за титулата.

Арсенал дојде во Манчестер со шест бода предност, а Сити, иако под голем притисок, сега ја преполови таа разлика, но имаат и натпревар помалку против испаднатиот Барнли, па тимот на Пеп Гвардиола сега е во одлична позиција да се врати на врвот од табелата.

Каталонскиот стручњак покажа зошто е еден од најдобрите тренери во светот, но тој е премногу искусен за да знае дека оваа победа не значи ништо.

„Секако дека веруваме. Сè уште се надеваме. Но, вистината е дека имавме ужасен распоред и не сме први на табелата. Тој е најдобриот тим во Англија во моментов, но со оваа победа си дадовме можност да се бориме до крај“, изјави Гвардиола за Би-би-би и продолжи:

„Најдоброто е што победивме таков тим. Играчите се толку конкурентни, неверојатни. Имавме момент и тие го имаа, но денес си заминуваме со три бода. Не знам. Не мислам дека Арсенал е во лош период. Тој е во полуфиналето на Лигата на шампионите и не загуби ниту еден натпревар. Моментот може да се промени во еден миг, тие го знаат тоа“.

Трофејниот стручњак имаше само пофални зборови за младиот Нико О’Рајли.

„Тој е неверојатен – и во одбраната и во нападот, и во бековите. Каков играч станува. Може да игра на голем број позиции, исклучителен е. Смирен е и влегува во финалето. Каква сезона! Не знам дали е играч на сезоната, но како млад играч – сигурно.“

На крајот, Гвардиола се вознемири кога зборуваше за Бернардо Силва, кој објави дека ќе го напушти Манчестер Сити на крајот од сезоната.

„Ако продолжите да зборувате за него, ќе се расплачам. Ќе биде многу емотивно кога ќе си замине. Не можете да го опишете. Можеби нема брзина или сила, но фудбалот почнува во главата и завршува во нозете. Чувствувам огромна благодарност за сè што даде на овој клуб.“