Ѓорческа со порака до македонските навивачи: Гледајте и навивајте за мене, ќе биде интересен меч

Најдобрата македонска тенисерка, Лина Ѓорческа утре од 12 часоот ќе го одигра натпреварот од првото коло на главниот турнир на Вимблдон. Нејзина прва противничка ќе и биде минатогодишната финалистка, Американката Аманда Анисимова.

Американката важи за голем фаворит на турнирот , а на турнирот е поставена за шеста носителка, но нашата најдобра тенисерка не е премногу вознемирена поради тоа и има порака до љубителите на тенисот во Македонија.

„Поминав одлично во квалификациите. Секогаш знаев и верував дека можам и дека треба и да се склопат коцките, за да биде совршено. Секој меч беше тежок, сите што учествуваат се меѓу 200. најдобри на светот во еден од најмасовните спортови и затоа нема лесен меч. Сепак, би го издвоила вториот (против Франциска Жорге). Последниот натпревар го одиграв одлично, загубив три гема и навистина сум среќна, пред сè со тоа како се носев за време на мечот. За Аманда Анисимова нема што многу да се каже, квалитетна и комплетна тенисерка, а мојата единствена цел е да го одиграм своето. Се надевам дека ќе биде интересен меч и гледајте и навивајте од дома“, рече Ѓорческа пред натпреварот.

Дуелот меѓу најдобрата македонска тенисерка и Анисимова ќе се игра на теренот број 2 на комплексот на Вимблдон. Ѓорческа е прва Македонка која се пласирала на еден Грен слем турнир во сингл конкуренција.