Во Ликовната галерија на ЦК „Марко Цепенков“ е отворена изложбата „Фузија“ на уметникот Христијан Томан, на која тој се претставува со 30 дела: дигитални илустрации, како и цртежи во помал формат, сите дела во А4 и А3-формат.
– Инспириран од безвремената литература и од симболите, сакам да ги реинтерпретирам овие приказни преку различни стилови и сопоставувања, инкорпорирајќи ги тактилните квалитети на графиката со ликовните вредности. Цел ми е дигиталниот медиум да ги обедини овие елементи, нудејќи им на гледачите подруга перспектива на познатите наративи, премостувајќи ги минатото и сегашноста и поканувајќи ги да ја истражат визуелната сложувалка – вели авторот.
Тој има дипломирано на Факултетот за ликовна уметност во Скопје, на отсекот за графика, насока графички дизајн и се занимава со графички дизајн и илустрација.
Изложбата е поддржана од Министерството за култура и туризам.
ИЗДВОЕНИ
Инфективна потврди прв случај на Денга вирус во Македонија: Ја донел 42-годишен работник од Бангладеш
Европа се претвора во печка – зошто се загрева побрзо од било кој друг континент? Научниците предупредија: „Ова е само почеток“
Лебдам затоа што Македонија, конечно, го препозна своето богатство
Наместо во затвор – во психијатрија: Народниот правобранител отвора сомнежи за спорни вештачења
