Општина Ѓорче Петров започнува реализација на еден од најзначајните и најиновативните проекти во областа на обновливите извори на енергија.
Станува збор за првиот проект од ваков вид во Македонија, кој ќе се реализира преку модел на јавно-приватно партнерство. Во рамки на проектот, на сите седум општински основни училишта ќе бидат поставени фотоволтаични системи.
Проектот ќе се реализира без дополнителен финансиски товар за општинскиот буџет, а Општина Ѓорче Петров ќе остварува 18 % од приходите што ќе се генерираат од производството на електрична енергија.
– Со овој проект ги ставаме во функција покривите на училиштата, произведуваме чиста и обновлива енергија, создаваме поодржливи и енергетски поефикасни училишта, а обезбедуваме нов извор на приходи што повторно ќе се инвестираат во проекти од интерес на граѓаните. Ова е инвестиција што не носи придобивки само денес, туку создава долгорочна вредност за образованието, животната средина и идните генерации – соопштија од локалната самоуправа.
