Подрачното основно училиште „Рајко Жинзифов“ ќе добие нова енергетска фасада и термичка изолација на покривот. Воедно, проектот предвидува и поставување нов топловоден, целосно автоматски котел на пелети, како и замена на старите светлосни арматури со ново ЛЕД-осветлување. Дополнително, училиштето добива сопствен фотонапонски систем, со што директно ќе се задоволуваат потребите за електрична енергија од обновливи извори.
Градоначалничката на Општина Кисела Вода, Бети Стаменкоска-Трајкоска, изврши увид во градежните активности, а на увидот присуствуваа и директорката на проектната единица, Нада Брајковска, и други претставници од Министерството за финансии, преку кое се реализира ова финансиско партнерство со Светската банка.
– Оваа инвестиција е директен влог во стандардот на образованието и долгорочно решение за енергетската независност на објектот. Со целосната реконструкција, обезбедуваме современ простор за настава и истовремено, драстично ги намалуваме тековните трошоци за енергија – истакна градоначалничката Стаменкоска-Трајкоска.
ИЗДВОЕНИ
„Го имаме на приватно, не на рецепт“: Пациенти вратени од аптеки за новите бесплатни лекови – Фондот тргна во контрола
Весникот ВЕЧЕР во најмодерната фабрика со вештачка интелигенција: роботите на „Шаоми“ склопуваат автомобили
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
