Шумите не се важни само во границите на заштитените подрачја. Од нивната состојба и од поврзаноста со поширокиот предел директно зависат движењето и опстанокот на дивите видови, како што се рисот, кафеавата мечка и дивокозата, сметаат од Македонското еколошко друштво (МЕД).
Оттаму информираат дека, преку проектот „ПОНТ Конект“, работат на подобрување на еколошката поврзаност на два значајни коридори: Илинска – Плакенска – Бигла и Стогово –Караорман – Јабланица. Овие коридори поврзуваат четири национални парка: Маврово, Галичица и Пелистер кај нас и Шебеник во Албанија.
– Во изминатиот период ги анализиравме постојните податоци, ги идентификувавме празнините во знаењето и во тесна соработка со ЈП „Национални шуми“ и со седумте подрачни шумски стопанства, детално ги разгледавме плановите за стопанисување со шумите и предвидените мерки за нивно управување, заштита и користење – соопштија од МЕД.
Она што ќе следува, според МЕД, е заедно со шумарскиот сектор да се утврдат приоритетните локации и најсоодветните мерки за спроведување на терен, како што се пошумувањето и конверзијата на нискостеблените во високостеблени шуми.
Проектот е финансиран од PONT, со финансиска поддршка од Францускиот фонд за глобална животна средина (FFEM).
ИЗДВОЕНИ
Три пресметки за животниот стандард, една реалност – македонските плати најниски во Европа
Македонија поместува планини за милиметар напред, Бугарија со закована позиција
Три и пол милијарди евра во пензиските фондови, Владата најавува избор за штедење
Им ветувале брза заработка, им ги зеле парите -стотици граѓани измамени преку интернет
