Драма во Индонезија: 115 лица евакуирани од патнички брод со кој беше изгубен контактот/ВИДЕО

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“, како што пренесе индонезискиот информативен портал „Биснис“.

Претходно, државната агенција за потрага и спасување на Индонезија соопшти дека бродот „Вирго Транспорт 8“ (Virgo Transport 8) испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Kapal Virgo Transport 8 rute Surabaya-Banjarmasin dilaporkan hilang kontak di perairan Laut Jawa, Kalimantan Selatan, Minggu (13/9/2026) dini hari.

Berdasarkan laporan awal Kantor Pencarian dan Pertolongan atau SAR Banjarmasin, kapal tersebut membawa 240 orang.

Kapal diketahui… pic.twitter.com/sCB7cBtS5V

— Radio Suara Surabaya (@e100ss) September 13, 2026

„Според првичните информации, евакуирани се 115 лица. Едно лице загина, а друго е повредено“, рече Рахмат, пренесувајќи информации од пристанишните власти во Трисакти, Банџармасин.

Организиран е прием и помош за евакуираните лица во пристаништето Трисакти во Банџармасин, во провинцијата Јужен Калимантан.

Бродот, кој пловел од Сурабаја кон Банџармасин, изгубил контакт околу 02:00 часот по локално време откако наишол на неповолни временски услови.

BREAKING: At least 125 people are missing after the passenger ship Virgo Transport 8 lost contact in the Java Sea near South Kalimantan, Indonesia.

Authorities have rescued 115 people, while 1 person has been confirmed dead. Search and rescue operations are ongoing. pic.twitter.com/urIUSJQ0e7

— Weather Monitor (@WeatherMonitors) September 13, 2026

Во тоа време, неговата последна позната позиција била на приближно 80 наутички милји од станицата за спасување „Басири“.
За помош во потрагата бил ангажиран спасувачкиот брод „KN SAR Laksmana 241“, а во операцијата учествуваат поморските сили, речната полиција, како и пристанишните и навигациските служби.

Според најновите извештаи, времето во областа на потрагата е ведро и нема да ги попречи спасувачките напори. Не се дадени информации за присуство на странски државјани на бродот.