Авио-бомби, коски од мамут и столбот од Мостот на слободата „испливаа“ од Дунав: Шокантни сцени од Србија и регионот/ФОТО

Реката Дунав никогаш немала пониско ниво на водата, поради што е можно да се види првиот столб на Мостот на слободата во Нови Сад, па дури и бомби од Втората светска војна, пишува „Блиц“. Ниското ниво на водата на Дунав го променило неговиот изглед во Србија, но и на други места како што е Бугарија, каде што фосилни коски од праисториски мамут биле видени во близина на селото Рјахово.

Suspected mammoth remains, including a jaw and tusks, were found in the Danube River near Ryahovo as water levels hit record lows; experts plan further examination https://t.co/zRXGoJ1ivz pic.twitter.com/2Vaw4rX37j

— Reuters (@Reuters) July 30, 2026

Многумина ја сметаат оваа ситуација за забавна поради необичните глетки што можат да се видат во таква ситуација. Во Штранд, омилено место за капење на жителите на Нови Сад, може да се види столбот на Мостот на слободата.

Многумина ја искористија можноста да одат по песочните насипи. Поради повлекувањето на Дунав, квалитетот на водата исто така значително се намали, поради што водата на повеќето места на Штранд е карактеризирана како ниво четири, т.е. низок еколошки статус.

Експертите, исто така, забележаа високо ниво на раст на алги и зголемување на органската материја. На сите капачи им се препорачува да се истушираат веднаш по пливањето во Дунав.

Под Петроварадин во Нови Сад, дури е пронајдена и минофрлачка граната од Втората светска војна, заедно со авионска бомба што била забележана малку порано. Граѓаните тврдат дека виделе парчиња боева муниција, како и расипани машини за перење и мијалници.

Слична е ситуацијата и во Хрватска, во близина на градот Батине. Таму се пронајдени и уништени две авионски бомби со тежина од 150 килограми.