Управата на Националниот парк „Маврово“ врши засилени контроли против бесправниот риболов. Оттаму соопштија дека при редовна контрола на Мавровското Езеро, овластени лица од Националниот парк „Маврово“ пронашле и отстраниле незаконски поставени риболовни мрежи.
– За случајот е известена полициската станица во Маврови Анови. Во координација со надлежните институции се преземаат мерки за утврдување на околностите и одговорноста – наведуваат од НП „Маврово“.
Притоа додаваат дека контролите на езерото ќе продолжат, а целта е заштита на рибниот фонд и спречување на незаконското користење на природните ресурси.
Од Националниот парк „Маврово“ ги повикуваат граѓаните, риболовците, посетителите и љубителите на природата да пријават незаконски риболов, поставување мрежи или други активности што ја загрозуваат природата. Пријавите може да се достават до надлежните служби.
– Навременото известување може да спречи поголема штета и да придонесе за зачувување на Мавровското Езеро. Сите утврдени прекршувања ќе бидат документирани и пријавени, а сторителите ќе одговараат согласно со закон. Заштитата на езерото е заедничка одговорност на институциите и на граѓаните – тврдат од НП „Маврово“.
ИЗДВОЕНИ
Затворени експозитури, ограничени исплати… Алта банка ги разбуди болните спомени од ТАТ
Женска дипломатија – ќе најдат ли Сиљановска-Давкова и Јотова заеднички јазик?
Владата предлага укинување на Советот на безбедносно-разузнавачките служби, се укинува координацијата, се отвора патот за спојување на агенциите?
Првиот падобрански скок траел неколку минути, а одекнува еден век
