Завршија градежните активности за реконструкција на улицата „Жил Верн“ во општина Кисела Вода. Со тоа, значително ќе се подобри сообраќајната безбедност и квалитетот на живеење во овој дел од општината.
Од Општината велат дека станува збор за зафат кој опфати целосна реконструкција на коловозот и тротоарите во должина од 215 метри и имајќи предвид дека оваа улица не била обновена повеќе од четири децении, нејзината ревитализација билс еден од приоритетите за подобрување на инфраструктурната мрежа која ги поврзува околните населби и клучните сообраќајници.
– По цели 40 години, улицата „Жил Верн“, со нов коловоз и безбедни тротоари, конечно го доби ликот што го заслужува. Работиме маало по маало, улица по улица, за секој наш жител. Ова е уште еден од низата проекти реализирани преку успешната соработка со Владата, за модерна и рамномерно развиена Кисела Вода – изјави градоначалничката на Општина Кисела Вода, Бети Стаменкоска -Трајкоска при увидот на градежните работи.
Проектот е реализиран во рамките на соработката со Владата за капитални проекти во општините (фаза 2), поддржани преку унгарскиот кредит и договорот со Министерството за транспорт и врски.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
