На Балканот викенд со смрзнувачки утра, суперклеточни бури, град и поплави

Температури пониски за 10 до 14 Целзиусови степени, смрзнувачки утра, некаде со температури околу нулата, суперклеточни бури, разорен град и локални поплави прогнозира „Сивијар ведер Јуроп“ за Балканот. Промените веќе почнаа, но посериозно ќе се почувствуваат од викендов.

Сферата над Европа претрпува значителна промена, бидејќи длабоката циклонска долина се преместува преку средината на континентот, носејќи значително постуден воздух далеку кон југ и зголемувајќи го ризикот од утрински мразови. Судирот на оваа необично ладна воздушна маса со топол и влажен воздух над Медитеранот создава услови за повеќедневен период со екстремни временски услови.

„Сивијар ведер Јуроп“ наведува дека сега, над централна Европа, се формира нов, екстремно силен циклон, кој носи многу поладна воздушна маса, која ќе се прошири низ поголемиот дел од континентот до недела, поради воспоставениот модел и големата длабока циклонска долина, која ќе се задржи неколку дена. Таквата длабока долина влијае и на притисокот на земјата, воспоставувајќи широк систем на низок притисок над поголемиот дел од континентална Европа. Најниски температури се очекуваат во сабота изутрина, кога ветрот ќе биде најслаб, па ризикот од мраз ќе биде најголем. Дневните максимални температури, исто така, ќе останат значително пониски од просекот, претежно помеѓу 10 и 15,  во некои региони дури и под 10 Целзиусови степени, што е околу 15 степени постудено од долгорочниот просек.