Заврши ерата на Леброн во Лејкерс, позната е неговата следна дестинација!

Леброн Џејмс, најдобриот стрелец во историјата на НБА, би можел да ја заврши својата осумгодишна ера во Лос Анџелес Лејкерс. Според американските медиуми, легендарниот кошаркар решил да не ја продолжи соработката со клубот и ова лето ќе побара нов предизвик.

Веста ја објави реномираниот НБА инсајдер Шамс Чаранија, кој тврди дека Џејмс веќе ги известил челниците на Лејкерс за својата одлука. Така, клубот ќе има доволно време да ги планира потезите во преодниот рок и да го гради тимот за следната сезона.

Иако во декември ќе наполни 42 години, Леброн не размислува за пензија. Напротив, тој сака да ја одигра својата 24. сезона во НБА, со што дополнително ќе го подобри рекордот по бројот на одиграни сезони во најсилната кошаркарска лига во светот.

Во дресот на Лејкерс, Џејмс ја освои шампионската титула во 2020 година и остави неизбришлива трага како еден од најзначајните играчи во клупската историја. Претходно настапуваше за Кливленд Кавалирс и Мајами Хит, освојувајќи вкупно четири шампионски прстени.

Засега не е познато каде ќе ја продолжи кариерата, но според американските извештаи, Голден стејт се издвојува како главен фаворит за неговиот потпис. Клубот на Стеф Кари наводно покажува најголем интерес за ангажман на искусниот ас.

Официјалниот почеток на преодниот рок се очекува наскоро, а тогаш би требало да биде позната и иднината на еден од најголемите кошаркари на сите времиња. Доколку навистина се пресели во Голден стејт, тоа без сомнение ќе биде еден од најголемите трансфери во поновата историја на НБА.