Затишје на југот, експлозии во Киев: Дали ќе издржи примирјето?

Во јужна Украина денеска стапи на сила локално примирје, во пресрет на хуманитарна мисија предводена од првата дама на САД, Меланија Трамп. Целта на мисијата е доставување помош и евакуација на цивили од градот Олешки, кој е под руска окупација. Во меѓувреме, Киев се соочи со нови ракетни напади, а руски проектили погодија и други делови од земјата, пренесува Асошиејтед прес (АП).

Примирјето започна во 3:00 часот наутро и е предвидено да трае до сабота, со можност за продолжување. Околу 2.000 жители кои останале во Олешки се соочуваат со недостиг на храна и лекови, додека нагазните мини и нападите со беспилотни летала им го отежнуваат движењето и можноста да го напуштат градот.

Прекинот на огнот беше потврден од преговарачи и воените претставници на двете земји. Според планот на хуманитарната мисија, прво во градот треба да пристигнат медицински персонал, залихи, храна и вода, по што ќе се отворат коридори за евакуација на жителите.

Kyiv. Overnight ballistic missiles on the city, university dormitories hit.⁰People killed, many injured. The frames show damaged street with a car and debris.⁰The city is named. The damage is the photo.#Kyiv #Ukraine #Russia pic.twitter.com/KBN5qV2whH

— Motosierra (@KurminX) October 27, 2026

Според кабинетот на Меланија Трамп, таа иницирала разговори со цивилни преговарачи од Русија и Украина, откако претставници на Обединетите нации ја информирале за тешката ситуација во Олешки.

Истовремено, финскиот претседател Александар Стуб и норвешкиот премиер Јонас Гар Сторе остварија телефонски разговори со рускиот претседател Владимир Путин. Ова е нивниот прв познат директен контакт со Путин од почетокот на руската инвазија врз Украина во 2022 година. Разговорот уследи по средбата во Осло на 20 октомври, на која присуствуваа нордиски лидери, украинскиот претседател Володимир Зеленски и специјалниот пратеник на САД, Стив Виткоф. Стуб и Сторе разговарале со Путин за војната, како и за претстојните трилатерални преговори меѓу Русија, Украина и САД, закажани за ноември во Абу Даби. Потоа, тие разговарале и со Зеленски.

„Разговорот беше отворен и суштински“, изјави Стуб, нагласувајќи дека исходот од војната директно ќе влијае врз безбедноста и на Финска и на Европа. Сторе ја истакна важноста од деескалација, предупредувајќи на човечките и материјалните последици од конфликтот. Иако во јужна Украина стапи на сила примирје, украинските власти предупредуваат дека е прерано да се оценува неговиот успех. Претходните обиди за прекин на огнот брзо пропаднаа поради длабоката недоверба меѓу Москва и Киев.

Во вторникот беше забележано затишје во делот од регионот Херсон што е под украинска контрола, иако руските извидувачки беспилотни летала останаа присутни. Јарослав Шанко, шеф на градската администрација на Херсон, предупреди да не се попушта во будноста, истакнувајќи дека и претходните примирја се покажале како неефикасни. Локалните служби планираат да го искористат овој предив за поправка на јавната инфраструктура – ​​работа која инаку е премногу опасна поради заканата од напади со беспилотни летала.

Сепак, само неколку минути откако примирјето стапи на сила, експлозии од балистички ракети го потресоа Киев, а низ неколку делови од земјата се огласија сирените за воздушна опасност. Најмалку три лица загинаа, а неколку други беа повредени во нападите врз Киев и Харков, кои започнаа во понеделникот вечерта и продолжија во текот на вторникот.

„Важно е светот да види дека Русија не покажува ништо друго освен желба да убива и да ја продолжи војната“, изјави Зеленски по нападите.

Хуманитарната мисија во Олешки се одвива пред новата рунда преговори со американско посредување, кои се очекуваат следниот месец. Нејзиното спроведување би можело да покаже дали има простор за пошироки хуманитарни договори, иако продолжувањето на нападите во други делови на Украина укажува на ограничениот опсег на тековното примирје.